موضوع: مجموعة من العبايات الخليجية ترضي كل الاذواق الأربعاء أبريل 27, 2011 5:23 pm
العباية الخليجية:
بتعتمد العباية الخليجية في الغالب على اللون الأسود و اللى بيعتبر اللون الأساسي ليها و تصميمها غالبا بيكون بسيط. لكن فى السنوات الأخيرة تطورت تصميماتها بشكل كبير و ظهرت بألوان تانية زى الاصفر والبرتقالي والتركواز و تنوعت الأقمشة المستخدمة فيها و شملت الحرير والشيفون والاورجانزا والقطن والكروشيه والساتان والكتان وحتى الجينز و كمان تنوعت أشكال تطريز العباية الخليجية ما بين نقوش من الخيوط و استخدام الترتر والخرز وقطع من الكريستال الشفاف و الملون، ده غير التطريز باستخدام قطع من الجلد ومن الشامواه والحرير.
الجلابية الكويتية: إنتشرت العباية أو الجلابية الكويتية مؤخرا فى العالم العربى و ده بسبب تصميماتها المبتكرة اللي بتجمع بين أشكال مختلفة مستوحاة من دول الشرق الأقصى و بتمزج بين ألوان كتيرة غير الأسود
العباية او القفطان المغربى :
تشتهر العباية المغربية و اللى بنسميها أحيانا القفطان المغربى بألوانها الجذابة المشرقة واستخدام أنواع مختلفة من الاقمشة في صناعتها زى الساتان والشيفون والحرير والقطن مع تطريزها بزخارف تراثية بتتميز بالأصالة. اللى بيخلى العباية المغربية مختلفة عن غيرها كمان هو الذيل الطويل نسبيا مع وجود غطاء للرأس متخيط فى العباية نفسها و أحيانا بيبقى معاها بنطلون واسع كجزء من الزي و بيكون بنفس اللون أو بنفس التطريزات اللى فى العباية و ده علشان يديكى راحة اكبر لما تلبسيها
[size=16]العبايةالفلسطينية: [/size]
العباية الفلسطينية ليها لونين أساسيين هما الأبيض والأسود و بتستخدم في صناعتها الاقمشة القطنية زى الكتان بالاضافة للمخمل – القطيفة – . و بيتميز تصميم العباية دى بالأكمام العريضة و الحزام الفلسطيني – بيسموه الجداد – المصنوع إما من الحرير أو من القطن المقلم و ده ممكن يتربط وسط العباية و يتعقد من قدام أو على الجانبين و ينزل يزين العباية. بيميز العباية الفلسطينية كمان أساليب تطريزها المختلفة, وأساليب التطريز دى بتختلف من منطقة لأخرى فى فلسطين. يعنى مثلا في شمال فلسطين وجنوبها بيستخدموا الأسلوب البدوى المستوحى من البيئة الصحراوية و اللى أساسه الرسومات الهندسية زى النجمة الثمانية والمثلث والمعين و المربع، أما باقي المدن الفلسطينية فبينتشر فيها الأسلوب الريفي اللى بيعبر عن البيئة الزراعية زى رسومات النجوم والشجر
العباية او الجلابية المصرية :
المصريين عرفوا الجلابية من زمان أوى و كانت بداية صناعة الجلابية المصرية فى حي خان الخليلي. و لفترة طويلة فضلت الجلابية المصرية معروفة بتصميم معين معتمد على الخطوط المستقيمة و التطريز اللى ليه طابع عربي. واستعملت لصناعتها أقمشة متنوعة أهمها الكتان و«الترجال» والساتان المقلم. أما من حوالى عشر سنين بدأت عملية تطوير الجلابية المصرية بدخول العباية الخليجية و انتشارها فى مصر. لأن دخول العباية الخليجية كان بداية لدخول مختلف موديلات العبايات لمصر و الدمج بين الموديلات دى و بالتالى تنوعت تصميمات العبايات المصرية بألوان و أساليب تطريز مختلفة ما بين الجلابية المصرية و العبايات الخليجي والفلسطيني والمغربي.
عدد المساهمات: 1الموقع: الجزائرتاريخ التسجيل: 31/08/2010نقاط: 1
موضوع: رد: مجموعة من العبايات الخليجية ترضي كل الاذواق الجمعة يوليو 08, 2011 12:51 am
[b]اسعد الله مساءكم ااسف على عدم تواصلي معكم كل هذه المدة فلقد رحلت الى حي اخر لم يكن به شبكه انترنات والله لقد اشتقت اليكم والى مواضيعكم المتميزة لكن اريد ان اعرف سبب عدم تمكني من رؤية الصور و 1000 شكر
موضوع: رد: مجموعة من العبايات الخليجية ترضي كل الاذواق السبت يوليو 09, 2011 1:43 pm
اهلا وسهلا بيكي المنتدى مفتوح لكي متى شئت نحن في الخدمة اما بالنسبة للصور فهي ظاهرة للكل .ربما يوجد عندك نقص في الانترنت .انا كمان عندي هذا المشكل مرات .او يمكنك تحميل موزيلا .فير فوكس .هي اسرع في فتح الصفحات من .اكسبلور. وان لم تتمكني ايضا من مشاهدة الصور حاولي ان تسجلي باسم اخر في المنتدى وشكرا .انتظر الاجابة .لمعرفة ما حدث معكي وشكرا
العمل/الترفيه
[/size]
